Kíkti á náms/ráðsstefnu hjá Microsoft á Íslandi í dag. Byrjaði í kringlubíói hálf níu í morgun og var langt fram á kvöld, nema hvað að ég fór kringum þrjú leytið, alveg búinn á því.

Þeir voru að sýna Windows Vista, nýja stýrikerfið, og einhverja fítusa í því ásamt öðrum nýjum forritum. Ekkert nýtt á nálinni í Vista sem ekki hefur verið í Linux eða Apple. En samt ekki slæmt að fá einhverja af þessum fítusum í Windows.

Maður er lærandi eins og brjálæðingur fyrir þessi miðvetrarprófin sem eru í næstu viku. Sem betur fer eru þau bara til upphækkunar og þá fær maður að sjá hvernig maður er að standa sig í þessu.

Jæja, ætla að henda inn nokkrum punktum hvað ég er búinn að vera að gera af mér.

- Byrjaður í HR í tölvunarfræði

- Er að fíla mig vel í þessu námi

- Er búinn að kíkja í vísindaferðir og skilur maður núna af hverju fólk stundar þetta grimmt

- Er búinn að raka skeggið og stefni á að halda mér þannig allaveganna í óákveðinn tíma.

- Skrifa þetta blogg og komast að því að það er voðalega lítið sem að ég er búinn að vera að gera.

ble í bili

Nú er maður orðinn tuttugu og tveggja ára gamall. Áður en maður veit af þá fer maður í Hagkaup að kaupa göngugrindur á útsölu.

Ég hélt partý í gær til fögnuðar afmælisins og tókst það bara helvíti vel upp. Fín stemming og fólk skvompað á því. Meira að segja einhverjir sem kölluðu á Eyjólf. Vil þakka öllum þeim sem mættu til mín (nema fávitanum sem stal dvd disk sem var í tölvunni minni, hvað er málið með að mæta í partý og stela ? ef þú lest þetta þá vinsamlegast skilaðu disknum nema að þú sért drusla og gunga).

Var á tónleikum hjá Sigurós rétt í þessu. Þeir voru haldnir í Klambratúni og voru algjör snilld. Samkvæmt mbl.is þá var áætlað að fimmtán til tuttugu þúsund manns hafi mætt. Ekki slæmt það. 

Afsakið bloggleysið, er að vinna í þessu.

Kíkti í reunion bekkjarpartý hjá 6-Dauða í gær hjá Pálmari. Gaman að hitta liðið og heyra hvað er í gangi hjá fólki. Allaveganna hjá þeim sem mættu. Sumir voru uppteknir eða ekki einu sinni á landinu. Eftir mikið spjall og hressleika var ákveðið að kíkja niður í bæ á einhvern skemmtistað og varð Barinn fyrir valinu. Ágætis stemming sem myndaðist þar en eftir þann stað sundraðist hópurinn og fólk fór sínar leiðir. Ég skemmti mér konunglega og vill bara þakka fyrir mig.

Líka má ekki gleyma að hrósa Óla Palla um að sjá um þetta og Pálmari fyrir að sjá um stað til að hittast.

Úff, næstum mánuður síðan að maður bloggaði síðast. Helvítis gleymingur alltaf í gangi.

Það hjálpaði kannski líka að það er ekkert sérstaklega mikið búið að vera að gerast. Síðasta föstudag þá kíkti ég í partý hjá frænda mínum, Bjarka, sem var að halda innflutningspartý. Mikið af ölvuðu fólki sem maður þekkti lítið sem og ekki neitt.

En þá er að huga að framtíðinni.

Roskildefestival !!!
Ég flýg til Köben (0 RLY?!?) á fimmtudaginn, gisti í tvær nætur á gistihúsi og síðan er það 'skeldan sem tekur við í viku. Kannski að maður taki með sér eitt stykki myndavél og verður góður við ykkur sem komast ekki eða hreinlega vilja ekki fara.

Við strákarnir kíktum í fótbolta á fimmtudaginn. Djöfull var það gaman. Við spiluðum í tvo tíma, sem er heill hellingur miðað við þolið í sumum (sérstaklega mér) er dottið langt fyrir neðan allar hellur. Daginn eftir og dagurinn í dag er maður að gjalda fyrir skemmtilegheitin því harðsperrurnar eru næstum allstaðar. Þetta þarf maður að gera oftar í sumar.

Í gær, föstudaginn, fór ég niður í bæ á stað sem heitir Barinn. Þar var hún Eva að fagna útskrift sinni úr Kvennó. Eitt það fyndnasta sem ég hef heyrt (hefði séð ef Andri A. væri ekki svona gleyminn) þá var það sem Steinar sagði. Hann stóð fyrir framan Samfylkingar"búðina" , eða hvað svo sem þetta er, á Laugarveginum og var að tala við Samfylkingar mann. Einhversstaðar í þessum umræðum þá sagði Steinar:"Steinunn Valdís er sko ekki vinur minn!". Þá heyrðist "nú ?". Frá hverjum öðrum en Steinunni Valdísi !. Djöfull hefði ég viljað sjá þetta. Steinar hrökk víst í kút. En jæja, aftur að Barnum. Menn voru misfullir og mishressir eins og gengur og gerist. Ég fór heim að vísu snemma vegna þreytu. Eva, til hamingju með útskriftina enn og aftur.

Það er nú orðið helvíti langt síðan að maður bloggaði seinast og fjölmargt búið að gerast á þeim tíma. Hulda (systir mín) og Hjalti (mágur) komu til landsins frá útlandinu. Vinnan sem maður er í er í fullum gangi og eins og við var að búast, helvítis öxlin á mér er til helvítis trafala.

Ég er búinn að sækja um í HÍ og HR í hugbúnaðarverkfræði en þá er bara að bíða og sjá hvort að þeir taki við manni í þetta nám.

Veit voða lítið hvað ég á að skrifa hérna núna þar sem það hefur helvíti margt gerst undanfarið en ég er að pæla í að sleppa bara að skrifa um það og skrifa næstu færslur um hvað mun gerast á næstu dögum.

Síðastliðin miðvikudag þá kíktum við nokkrir á Gauk á Stöng þar sem nokkrar hljómsveitir voru að troða upp. Ein af þeim, sem við komum til að sjá, kallast Telepathetics og manna hana Eyþór, Óttar, Andrés og leynimaðurinn (veit ekki hvað hann heitir). Þeir stóðu sig þvílíkt vel verð ég að segja og ég sá eitthvað sem ég hélt að myndi seint gerast, en jú, bassaleikarinn, Óttar, tókst að slíta streng. Ótrúlegt en satt.
Geir Ingi tók líka einn mesta grínbíómyndatakt sem ég hef á ævi minni séð. Svo að maður útskýri þá sitjum við fimm við eitt borð, ég sit við vinstri hönd Geirs, Andri A. á endanum og bróðir Geirs, Jóki situr á móti honum og Davíð við hans hlið. Það vill svo yndislega vel til að Geir er að rugga sér á stólnum, dettur aftur fyrir sig, ýtir á "Push here to open" takkann á neyðarútganginum sem var beint fyrir aftan hann og endar bæði Geir og stóllinn hans út á gangstétt. Ég stóð upp, hjálpaði honum, settist niður og var helvíti nálægt því að kafna úr hlátri ásamt öðrum borðfélögum. Sama hversu svalur maður er, þá er ekki hægt að spila sig svalan úr þessu, Bruce Willis myndi ekki einu sinni ná því.

Svo að maður fari nú enn lengra aftur í tímann þá voru þrír endajaxlar teknir úr mér. Yndisleg tilfinning að finna fyrir því þegar að tannlæknirinn brýtur endajaxlinn í tvo eða þrjá búta. Bjóst við að verða stokkbólginn og varð það að veruleika í tvo eða þrjá daga. Hægri kinnin á mér minnti óneitanlega mikið á Arnold Schwarzenegger. En hún var fljót að hjaðna. Sem er helvíti gott.

Síðan svo að maður færi sig nær málefni líðandi stundar þá er ég að skrifa þessa blogfærslu með aðeins einni hendi. Af hverju ? Jú, mér tókst nefnilega á alveg snildarlegan hátt að fara úr og aftur í axlarlið þegar ég var að teygja úr mér. Já, það er rétt, ég sat við matarborðið, geispaði, teygði út hendurnar og *CLICK*. Þetta leiddi til dofnun í allri vinstri hendinni nema í öxlinni þar sem þvílíkur verkur myndaðist. Eftir nokkrar mínútur jafnaðist þetta að vísu og þá skellti maður sér upp á Slysó í alveg yndislega bið í rúma tvo tíma. Síðan kemur læknir og segir þetta vanalega ,, Er þetta vont ?'' og endurgerir þennan skelfilega sársauka. En það er að vísu nauðsyn svo að þeir viti hvað er í gangi. Eftir nokkrar röntgenmyndir og læti þá var ég settur í fatla og sagt að vöðvinn og sinar og allt draslið í kringum liðinn hafi tognað og að þetta eigi að lagast á einni til tveim vikum. Á meðan þarf maður að hanga í alveg yndislegum fatla og vera hress.

Síðastliðinn fimmtudag þá fór ég á Pravda en þar var haldinn fyrsta trúbardorakeppni háskólanema. Ari og Gunnar tóku þátt og hreinlegu tóku sína keppinauta í nösina. Það var gífurleg stemming og verð ég að segja að þetta hafi verið með besta trúbardors kvöldi sem ég hef farið á. Þeir komust í undanúrslit og þá bíður maður spenntur eftir þegar að því kemur. Það er spurning að kíkja á keppnina á morgun og sjá hvernig keppninautarnir verða.

Davíð, oft þekktur sem Hinn Illi Tvíburi, er kominn til landsins eftir að herja víking í Svíðþjóð. En þetta er aðeins viðkoma hér á landi því enn eru mörg landsvæði eftir að leggja undir sig.

Netið er búið að vera að stríða mér, bæði Símanns og mín megin. Netið var alltaf að detta út á ca. 10 til 15 mín. fresti og þó nokkrar mínútur í senn. Hringt var upp í Símann eins og vanalegt er í svona aðstæðum og fékk ég það svar að ég ætti að prufa að taka smásíurnar úr sambandi. Það var gert og ekki varð það til árangurs því ennþá slitnaði sambandið. Eftir að hafa fiktar í routernum þá komst ég að því að þessi router væri eitthvað að missa sig en hann virtist alltaf fara í loop-u og endurnýja allar ip-tölur á netinu hjá mér. Eftir margra tíma puð og vitleysu þá kemur hingað símastarfsmaður sem reynir eitthvað að laga þetta en gefst upp og lætur mig fá nýjan router. Allt virtist virka fínt en það er vitleysa hvað maður þarf að gera til að fá hann til að opna Port*. En ég þarf að opna þau til að geta gert hina ýmsu hluti sem ég geri í tölvum. Núna er tengingin búin að vera í lagi í nokkra daga og vona ég að það haldist þannig.

*Port: Má líkja þessu við hurðir sem þú opnar út í netið sem forrit geta notað til að hraða sínum keyrslum á netinu og lenda ekki alltaf í útistöðum við eldveggi. Já, þetta getur stofnað öryggi tölvunnar með því að hafa hurðir opnar út á netið en ef  maður er að keyra nógu góðan eldvegg á tölvunum sínum þá ætti þetta að vera í lagi.

Ég var að pæla, hvenær veit blint fólk hvenær það á að hætta að skeina sér ?

Endilega segja okkur hinum það sem vita það ekki í commentunum hérna að neðan.

Takk fyrir.

Fékk bækurnar sem ég pantaði um daginn loksins í hús. Þær voru pantaðar af Amazon og verð ég nú bara að segja að maður var frekar sáttur með fljótleika þeirra. Auðvitað kostaði það sitt að henda þessu í flýtimeðferð en þar sem það voru líka bækur fyrir pabba gamla í sömu sendingu þá splæsti hann í hraðmeðferð á þetta. Er búinn að vera að missa mig í þessari bók sem ég fékk en hún er svo mikið sem Linux Bíblían 2006 útgáfan (e. Linux Bible). Hún er búin að vera valdur af svefnleysi mínu undanfarið. Ótrúlegt hvað ég get skemmt mér í Linux. Bara eins og lítill krakki í pollagalla, góð stígvéli og fullt af pollum til að hoppa í.

En á öðrum nótum. Fyrir þá sem tóku ekki eftir því þá er ég búinn að henda upp hlekkjum á þau blogg sem ég kíki oft á. Ef þér finnst þitt vanta þá máttu endilega henda því inn í "comment"-ið og ég kíki á það.

Ég er líka kominn í þann pakka að vera kominn með gríðarlegan lubba og ég sé fram á það að vera svoleiðis í ágætan tíma í viðbót. Hví, spyrðu örugglega. Svarið er, hef ekki hugmynd. Dýrt að fara í klippingu kannski. Kannski að maður endar bara á að fíla það að vera með lubba. Ef þú hefur eitthvað að segja um þetta, endilega skrifaðu hér fyrir neðan.

Yfir og út.

Bara mest lítið búið að vera í gangi hjá mér. Eins og glöggir hafa tekið eftir þá er lærdómur í háu sæti hjá mér og eins og flestir sem eru lærandi þá gerist alltof lítið. Kíkti að vísu á Litla Ljóta Andarungan með Nonna, Skúla og Andra A í gær. Allir í bjór nema ég, bara svart kaffi hjá mér. Síðan var kíkt til Andra Þórs sem var að vinna á Nasa við það mikilvæga verkefni að passa baksviðið. Þetta var þvílíkt  pillupartý og leiðinleg tónlist sem hljómaði eins og rispaður geisladiskur. Djöfull væri maður búinn að fara framm á launahækkun (eða allaveganna bónusgreiðslum) vegna vinnukvölda sem þessum.

Gunnar og Ari eru að spila á Hressó þegar þessi færsla er skrifuð en vegna þreyttleika á minni hlið þá verð ég að sleppa því að fara. Biðst ég nú afsökunar vegna þess.

Á föstudaginn var farið niður í bæ þar sem förin byrjaði á hótelbarnum Salt. Þessi bar er frekar mikill "wannabe" snobbbar verð ég nú að segja. Þegar ég kom þangað sá maður að Steinar var orðinn frekar ölvaður en hann var í vísindaferð. Eins og oft nýlega þegar Steinar verður fullur þá byrjar hávaði og læti. Bjórar að sullast og þaðan af. Hann kom sér út með hjálp Guðmundars en annars hefði honum verið hent út. Þaðan af var farið á Hressingarskálann og á þessum tveim tímum sem ég var þar heyrði ég lagið Til Hamingju Ísland með Sílvíu Nótt a.m.k. fimm sinnum.

Í gær, laugardaginn, þá var farið í partý til Gunnars lögfræðings. Það var búið að stilla upp fyrir hljómsveit, þ.e.a.s. gítarar, hljómborð og stafrænt trommusett. Eftir um tuttugu mínútna spilun þá kom lögreglan og bað Gunnar um að lækka hávaðan. Það var á tímabili mikið af fólki og þröngt á þingi. Skemmtilegt partý og eintómur hressleiki.

Jæja, þá þarf maður að fara að koma sér. Lærdómurinn bíður ekki.
Lernen lernen immer lernen.

Maður er nú aldeilis búinn að vera að læra á fullu. Raungreinar, raungreinar, raungreinar og þaðan af. Hef ekki getað sinnt blogginu eins vel og ég vildi en það verður bara að hafa. Ég reyni að uppfæra oftar hérna þótt að það gerist ekki mikið meðan maður er alltaf lærandi.